Telangana Intermediate Exams 2026 ఈసారి ఇంటర్ పరీక్షలకు కాస్త ఆలస్యమైనా టెన్షన్ పడకండి! తెలంగాణ ఇంటర్మీడియట్ బోర్డు మరోసారి విద్యార్థుల్ని ఆదుకుంటూ… గతేడాది లాగే ఈసారి కూడా 5 నిమిషాల గ్రేస్ టైమ్ను కొనసాగిస్తున్నట్టు ప్రకటించింది.
అంటే పరీక్ష మొదలైన తర్వాత కూడా 9.05 గంటల వరకు హాల్లోకి ఎంట్రీ ఇస్తారు. చాలా మంది విద్యార్థులు, తల్లిదండ్రులు ఈ నిర్ణయాన్ని స్వాగతిస్తున్నారు.
ఈ నియమం ఎందుకు వచ్చింది? నేపథ్యం ఏమిటి?
గతంలో ఒక్క నిమిషం ఆలస్యమైనా ఎంట్రీ లేదనే కఠిన నిబంధన ఉండేది. దీంతో ట్రాఫిక్, బస్సు ఆలస్యం లాంటి అనివార్య కారణాల వల్ల చాలా మంది విద్యార్థులు పరీక్ష మిస్ అయ్యేవారు. ఆ సమస్యల్ని దృష్టిలో పెట్టుకుని గత సంవత్సరం నుంచి ఈ 5 నిమిషాల సడలింపు తీసుకొచ్చారు. ఇప్పుడు దాన్నే మళ్లీ అమలు చేయడం విద్యార్థులకు పెద్ద ఊరట. అయితే బోర్డు అధికారులు ఒకటే చెబుతున్నారు – ముందే వచ్చేయడమే బెటర్! ఉదయం 8.45 లోపు కేంద్రంలో ఉండమని సూచిస్తున్నారు.
Inter Exams Begin in Telangana
పరీక్షలు ఎప్పుడు? పూర్తి షెడ్యూల్ ఇదే
తెలంగాణలో ఈ ఏడాది ఇంటర్ పబ్లిక్ పరీక్షలు ఫిబ్రవరి 25 నుంచి మార్చి 18 వరకు జరుగుతాయి. ప్రతిరోజు ఉదయం 9 గంటల నుంచి మధ్యాహ్నం 12 గంటల వరకు. మొత్తం 10 లక్షలకు పైగా విద్యార్థులు రాయనున్నారు. 1,495 పరీక్షా కేంద్రాల్లో ఏర్పాట్లు పూర్తయ్యాయి.
మొదటి సంవత్సరం టైమ్టేబుల్
- ఫిబ్రవరి 25: సెకండ్ లాంగ్వేజ్-1
- ఫిబ్రవరి 27: ఇంగ్లీష్-1
- మార్చి 2: మ్యాథ్స్ 1A, బోటనీ, పొలిటికల్ సైన్స్
- మార్చి 5: మ్యాథ్స్ 1B, జువాలజీ, హిస్టరీ
- మార్చి 9: ఫిజిక్స్, ఎకానమిక్స్
- మార్చి 12: కెమిస్ట్రీ, కామర్స్
- మార్చి 17: మోడరన్ లాంగ్వేజ్, జియోగ్రఫీ
రెండో సంవత్సరం టైమ్టేబుల్
- ఫిబ్రవరి 26: సెకండ్ లాంగ్వేజ్-2
- ఫిబ్రవరి 28: ఇంగ్లీష్-2
- మార్చి 4: మ్యాథ్స్ 2A, బోటనీ, పొలిటికల్ సైన్స్
- మార్చి 6: మ్యాథ్స్ 2B, జువాలజీ, హిస్టరీ
- మార్చి 10: ఫిజిక్స్, ఎకానమిక్స్
- మార్చి 13: కెమిస్ట్రీ, కామర్స్
- మార్చి 18: మోడరన్ లాంగ్వేజ్, జియోగ్రఫీ
ప్రాక్టికల్స్ కూడా సన్నాహంలోనే
థియరీ పరీక్షలకు ముందు ప్రాక్టికల్స్ ఫిబ్రవరి 2 నుంచి 21 వరకు జరుగుతాయి. ఇంగ్లీష్ ప్రాక్టికల్స్ జనవరి 21, 22 తేదీల్లోనే పూర్తవుతాయి. దీనికి 1,924 కేంద్రాలు సిద్ధం చేశారు.
Telangana Intermediate Exams 2026 విద్యార్థులు, తల్లిదండ్రులు ఏమంటున్నారు?
ఈ నిర్ణయం ప్రకటన వచ్చిన వెంటనే సోషల్ మీడియాలో విద్యార్థులు జోష్లో ఉన్నారు. “చివరి నిమిషంలో ట్రాఫిక్లో చిక్కుకుంటే ఏడవాల్సిన పని లేదు” అంటూ చాలా మంది పోస్టులు పెడుతున్నారు. తల్లిదండ్రులు కూడా ఈ సడలింపును మెచ్చుకుంటున్నారు. అయితే అందరూ ఒక్కటే అంటున్నారు – గ్రేస్ టైమ్ ఉందని ఓవర్ కాన్ఫిడెంట్ కాకండి, ముందే బయల్దేరండి!
Follow On: facebook| twitter| whatsapp| instagram
2026 Tata Punch Facelift Best Value టాటా పంచ్ ఫేస్లిఫ్ట్లో బెస్ట్ వాల్యూ ఫర్
