Polders

Flevopolder – Wikipedia

Netherlands Flevoland ఊహించండి, సముద్రం మధ్యలో నుంచి భూమిని బయటకు తీసి, అక్కడ నగరాలు, పట్టణాలు కట్టడం ఎలా ఉంటుంది? నెదర్లాండ్స్ దేశం ఈ అసాధ్యాన్ని సాధ్యం చేసింది. Netherlands Flevoland Land Reclamation ప్రాజెక్టు ద్వారా సముద్రాన్ని వెనక్కి నెట్టి, పూర్తిగా కొత్త ప్రాంతాన్ని సృష్టించారు. ఈ ఫ్లెవోలాండ్ ప్రావిన్స్ 1986లో అధికారికంగా ఏర్పడింది. డచ్ ప్రజలు శతాబ్దాలుగా సముద్రంతో పోరాడుతూ వచ్చారు, ఇప్పుడు అది ప్రపంచానికే ఆదర్శం అయింది.

నెదర్లాండ్స్ ఎందుకు సముద్రంతో ఎప్పుడూ పోరాటం?

Netherlands Flevoland నెదర్లాండ్స్‌లో దాదాపు 26 శాతం భూమి సముద్ర మట్టానికి కింద ఉంది. అందుకే వరదలు సాధారణం. కానీ డచ్ ప్రజలు ఓడిపోలేదు. వాళ్లు “దేవుడు ప్రపంచాన్ని సృష్టించాడు, కానీ నెదర్లాండ్స్‌ను డచ్ ప్రజలే సృష్టించారు” అనే సామెతకు తగ్గట్టు జీవించారు. సముద్రం నుంచి భూమిని తీసే ఈ ప్రక్రియను ‘ల్యాండ్ రిక్లమేషన్’ అంటారు. ఇందులోనే ఫ్లెవోలాండ్ ఒక గొప్ప ఉదాహరణ.

thoughtco.com

How the Netherlands Reclaimed Land From the Sea

పోల్డర్ పద్ధతి.. అసలు మ్యాజిక్ ఏమిటి?

ఈ మ్యాజిక్ పేరు ‘పోల్డర్’. సముద్రంలో భారీ గోడలు (డైక్స్) కట్టి, మధ్యలోని నీటిని పంపులతో బయటకు పంపేస్తారు. పూర్వం విండ్‌మిల్స్‌తో ఈ పని చేసేవారు, ఇప్పుడు ఆధునిక పంపులు ఉన్నాయి. నీరు పోయాక మిగిలిన బురదలో గడ్డి విత్తనాలు చల్లి, భూమిని బలంగా మారుస్తారు. ఇలా సముద్ర తీరం కొత్త భూమిగా మారుతుంది.

జుయిడర్జీ ప్రాజెక్టు.. భారీ సంకల్పం

ఒకప్పుడు నెదర్లాండ్స్ మధ్యలో జుయిడర్జీ అనే లోతైన సముద్ర బే ఉండేది. 1932లో 32 కిలోమీటర్ల ఆఫ్‌స్లూట్‌డైక్ డ్యామ్ కట్టి సముద్రాన్ని మూసేశారు. ఆ తర్వాత మూడు దశల్లో భూమిని ఆరబెట్టారు. ఇదే ఇప్పటి ఫ్లెవోలాండ్. సముద్ర మట్టానికి 5 మీటర్ల కింద ఉన్న ఈ ప్రాంతం, ఒకప్పుడు సముద్ర దిగువన ఉండేది!

stock.adobe.com

Modern green neighbourhood in Almere, The Netherlands, surrounded …

మూడు దశల్లో ఫ్లెవోలాండ్ జన్మ

• 1942: నార్త్ ఈస్ట్ పోల్డర్ – మొదటి భాగం ఆరబెట్టారు. ఉర్క్, షోక్‌లాండ్ ద్వీపాలు మెయిన్‌ల్యాండ్‌తో కలిశాయి.
• 1957: ఈస్ట్ ఫ్లెవోలాండ్ – ఇక్కడ రాజధాని లెలిస్టాడ్ నగరం వచ్చింది.
• 1968: సౌత్ ఫ్లెవోలాండ్ – ఆధునిక నగరం అల్మెరే ఏర్పడింది.

చివరకు 1986 జనవరి 1న ఫ్లెవోలాండ్ అధికారికంగా నెదర్లాండ్స్‌లో 12వ ప్రావిన్స్ అయింది.

1953 వరద తర్వాత వచ్చిన డెల్టా వర్క్స్

1953లో భారీ వరదల్లో 1800 మంది మరణించారు. అప్పుడు డచ్ ప్రభుత్వం డెల్టా వర్క్స్ ప్రాజెక్టు ప్రారంభించింది. భారీ గేట్లు, స్టార్మ్ సర్జ్ బారియర్లు కట్టారు. తుఫాను వచ్చినప్పుడు ఆటోమాటిక్‌గా మూసుకునే గేట్లు సముద్రాన్ని అడ్డుకుంటాయి.

ఇప్పుడు ఫ్లెవోలాండ్ ఎలా ఉందంటే?

ఇప్పుడు ఫ్లెవోలాండ్‌లో లక్షలాది మంది నివసిస్తున్నారు. అల్మెరే నగరం ఆర్కిటెక్చర్ అద్భుతంగా ఉంది. ఈ భూమి చాలా సారవంతం కావడంతో డ్రోన్లు, సెన్సార్లతో ఆధునిక వ్యవసాయం జరుగుతోంది. నీటి సరస్సులు తాగునీటికి, వ్యవసాయానికి ఉపయోగపడుతున్నాయి. భూమి కొరత ఉన్న చోట ఫ్లోటింగ్ హౌసులు కట్టి ప్రపంచానికి కొత్త మార్గం చూపిస్తున్నారు.

ఈ డచ్ ఇంజినీరింగ్ ఇప్పుడు క్లైమేట్ చేంజ్‌తో పోరాడుతున్న దేశాలకు ఆదర్శం. అమెరికా, వియత్నాం వంటి దేశాలు డచ్ నిపుణుల సలహాలు తీసుకుంటున్నాయి.

January 2026 Horoscope -Today Horoscope : జనవరి 2026 మాసిక రాశి ఫలాలు – ప్రేమలో ఆశ్చర్యాలు, కెరీర్‌లో కొత్త దిశలు!

Follow On: facebook| twitter| whatsapp| instagram