Can Men Get Pregnant అమెరికాలో గర్భస్రావం హక్కుల చుట్టూ రాజకీయ తుఫాను ఎప్పటి నుంచో కొనసాగుతోంది. ముఖ్యంగా రసాయన గర్భస్రావం మాత్రలు (మిఫెప్రిస్టోన్) సురక్షితమేనా అనే చర్చ ఇప్పుడు మరింత ముదిరింది.
సెనెట్ హెల్త్ కమిటీ “మహిళల రక్షణ: రసాయన గర్భస్రావం మాత్రల ప్రమాదాలు” అనే శీర్షికతో విచారణ నిర్వహించింది. ఈ వేదికపై భారతీయ సంతతికి చెందిన గైనకాలజిస్ట్ డాక్టర్ నిశా వర్మ సాక్ష్యమిచ్చారు. ఆమె జార్జియా, మసాచుసెట్స్లో పనిచేస్తూ, రిప్రొడక్టివ్ హెల్త్ సలహాదారుగా ఉన్నారు.
ఏమి జరిగిందంటే?
విచారణలో డాక్టర్ నిశా వర్మ మాత్రలు సురక్షితమే అని, 2000 నుంచి 75 లక్షల మంది సురక్షితంగా వాడారని వివరిస్తున్నారు. అప్పుడే రిపబ్లికన్ సెనేటర్ జాష్ హాలీ ఆమెను ఆపి, నేరుగా “పురుషులు గర్భం దాల్చగలరా?” అని అడిగారు. ఇది సాధారణ ప్రశ్న కాదు, జెండర్ గుర్తింపులపై రాజకీయ చర్చను తెరలేపే ప్రశ్న!
సెనేటర్కు డాక్టర్ ఏం సమాధానమిచ్చారు?
డాక్టర్ నిశా వర్మ సరళంగా ‘లేదు’ అని చెప్పకుండా, “నేను వివిధ జెండర్ గుర్తింపులు కలిగిన రోగులను చూస్తాను. మహిళలుగా గుర్తించని వ్యక్తులనూ చికిత్స చేస్తాను” అని అన్నారు. దీన్ని రాజకీయంగా ఉపయోగించే ప్రయత్నమని ఆమె ఆరోపించారు. కానీ హాలీ మరింత ఒత్తిడి తెచ్చారు – “ఇది జీవశాస్త్ర సత్యం. పురుషులు గర్భవతులు కాలేరు కదా? సైన్స్ను నమ్మే వైద్యురాలిగా సరళ సమాధానం చెప్పండి” అని. ఈ మాటల యుద్ధం విచారణను మరింత ఉద్రిక్తంగా మార్చింది.
సోషల్ మీడియాలో ఏం జరుగుతోంది?
ఈ వీడియో విడుదలైన వెంటనే మిలియన్ల వ్యూస్ సాధించింది. ఒక వర్గం హాలీని “జీవశాస్త్ర సత్యాన్ని నిలబెట్టారు” అని పొగడ్తలు కురిపిస్తోంది. మరో వర్గం డాక్టర్ వర్మను సమర్థిస్తూ, “ట్రాన్స్జెండర్ వ్యక్తుల గౌరవాన్ని కాపాడారు” అంటోంది. కొందరు ఈ ప్రశ్ననే “ట్రాన్స్ఫోబిక్” అని విమర్శిస్తున్నారు. మొత్తంగా రెండు వర్గాల మధ్య తీవ్ర చర్చ సాగుతోంది.
Can Men Get Pregnant మాత్రల భద్రతపై కొనసాగిన చర్చ
హాలీ మాత్రల వల్ల 11 శాతం కేసుల్లో ఆరోగ్య సమస్యలు వస్తాయని గణాంకాలు చెప్పారు. కానీ డాక్టర్ వర్మ వందలాది అధ్యయనాలు ఈ మాత్రలు సురక్షితమేనని నిరూపించాయని కౌంటర్ ఇచ్చారు. ఈ విచారణ మహిళల ఆరోగ్య రక్షణ కోసమేనని హాలీ చెప్పగా, రాజకీయ లబ్ధి కోసమే ఇలాంటి పరిమితులు విధిస్తున్నారని వర్మ ధ్వజమెత్తారు.
Latest Job Openings 2026 తెలంగాణలో ఈరోజు ఉద్యోగ అవకాశాలు