Bigg Boss 9 Telugu బిగ్ బాస్ 9 సీజన్లో దీపావళి ఉత్సవాలు ఘనంగా జరుగుతున్నాయి. సాయంత్రం 7 గంటలకు ప్రసారమయ్యే ఎపిసోడ్కు సంబంధించిన రెండవ ప్రోమో విడుదలైంది. ఇందులో ‘జటాధర’ సినిమా టీమ్ ప్రమోషన్ కోసం వచ్చింది. హీరోయిన్లు శివానీ నాగరం, అప్సరా రాణి, ఆనంది తమ నృత్య ప్రదర్శనలతో ప్రేక్షకులను అలరించారు. ప్రతి సీజన్లో మాదిరిగానే హైపర్ ఆది ఈ సీజన్లోనూ కంటెస్టెంట్లపై సెటైర్లు వేసి నవ్వులు పూయించాడు. ఈ ప్రోమో విశేషాలను చూద్దాం.
బిగ్ బాస్ దీపావళి సంబరాల్లో ‘జటాధర’ టీమ్ సందడి చేసింది. సుధీర్ బాబు, సోనాక్షి సిన్హా, శిల్పా శిరోద్కర్ స్టేజ్పైకి వచ్చారు. శిల్పాను చూసి, మేము కలిసి పనిచేశాం… అప్పట్లో ఆమె నా హీరోయిన్… ‘ఖుదా గవా’ సినిమాలో అని నాగార్జున అన్నారు. అవును, నాకు చెప్పింది… సాంగ్ కూడా వినిపించింది అని సోనాక్షి స్పందించింది.
సుధీర్ను చూసి, ఏంటి త్రిశూలంతో వచ్చావ్ అని నాగార్జున ప్రశ్నించారు. కొన్ని దెయ్యాలను ఎంత ఎదుర్కొన్నా సరిపోదు, మనకు అదనపు శక్తి అవసరం… ఇది నా అదనపు శక్తి అని సుధీర్ జవాబిచ్చాడు. తర్వాత సింగర్ సాకేత్ వచ్చి హౌస్మేట్స్పై పేరడీ పాటలు పాడాడు. ‘బొంగరాలంటి కళ్లు తిప్పింది… ఉంగరాలున్నా జుట్టు తిప్పింది… జుట్టు లేని ఇమ్మానుయేల్ని తన చుట్టూ తిప్పింది… అమ్మో బాపుగారి బొమ్మో…’ అంటూ సాకేత్ పాడాడు. ఇది ఖచ్చితంగా సరిపోతుంది అని నాగార్జున అన్నారు.
Bigg Boss 9 Telugu భరణి బంధాలపై సెటైర్లు వేసిన తర్వాత, పంచె కట్టుకుని హైపర్ ఆది ఎంట్రీ ఇచ్చాడు. వైల్డ్ కార్డ్ ఎంట్రీల ముందు ఈ సీజన్ హిట్ అవుతుందని… వైల్డ్ కార్డ్లు వచ్చాక మరింత హిట్ అవుతుందని… ‘నాన్న’ అని పిలవాలని కూతురు… ‘అన్నయ్య’ అని పిలవాలని చెల్లి… ‘మావయ్య’ అని పిలవాలని అల్లుడు… ఇంకా అల్లాడిపోతున్నారు బాబు… రేపు సంక్రాంతికి వచ్చే ఫ్యామిలీ సినిమాలు కూడా ఆలోచిస్తున్నాయి… మేము ఇంతకంటే మంచి ఫ్యామిలీ డ్రామా తీయగలమా అని… అంటూ ఆది సెటైర్ వేశాడు.
తర్వాత సంజన-ఇమ్మానుయేల్పై మాట్లాడాడు. ఏ రోజు నుంచి ఇమ్మూ నిన్ను ‘అమ్మా’ అని పిలిచాడో, అప్పటి నుంచి వాడికి బొమ్మ కనిపిస్తూనే ఉంది… ప్రతి ఒక్కరూ ‘ఇమ్మూ అమ్మ’ గొడవ పడుతుంది… ‘ఇమ్మూ అమ్మ’ ఎవరినో తిడుతుంది… ‘ఇమ్మూ అమ్మ’ అలిగింది… రేయ్, బయట మీ అమ్మ కన్ఫ్యూజ్ అవుతుంది రా, నేనా అమ్మనా సంజనానా అని… అంటూ ఆది అందరినీ నవ్వించాడు.
దివ్య గారు… ప్రతి ఫ్యామిలీ సినిమాలో ఒక క్యారెక్టర్ ఎంటర్ అయిన తర్వాత చిన్న కలహాలు, చిచ్చులు రేగుతాయి కదా… సంక్రాంతి సినిమాలో సంగీత, శివరామరాజు సినిమాలో లయ… సీజన్ 9లో దివ్య… అంటూ ఆది వివరించాడు. ఇవన్నీతో పాటు హీరోయిన్లు ఆనంది, శివానీ నాగరం, అప్సరా రాణి నృత్యాలతో పూర్తి ఎంటర్టైన్మెంట్ ఇచ్చారు. మరోవైపు, ఫ్యామిలీ వీడియోలు చూపించి అందరినీ భావోద్వేగపరచారు నాగార్జున. డీమాన్, సంజన, సుమన్ శెట్టి ఫ్యామిలీ మెంబర్స్ వీడియోలు పంపారు.
Bigg Boss 9 Telugu
Bigg Boss 9 Telugu సంజనా, సుమన్, పవన్లకు కుటుంబ సందేశాలు