Hero Suman’s Shocking Revelation సీనియర్ నటుడు సుమన్, ఒకప్పుడు స్టార్ హీరోగా మెరిసిన వ్యక్తి. అయితే, అతని వృద్ధిని సహించలేక కొందరు కుట్రలు పన్ని, కేసుల్లో ఇరికించి జైలు పాలు చేసి అతని సినీ కెరీర్ను ధ్వంసం చేశారనే మాటలు ఎప్పటి నుంచో వినిపిస్తున్నాయి. అప్పట్లో ఈ విషయంపై సుమన్ ఎవరినీ నిందించలేదు. కొన్ని మీడియా వర్గాలు ఓ స్టార్ హీరోనే దీనికి కారణమని ప్రచారం చేసినప్పటికీ, సుమన్ ఆ వార్తలను తోసిపుచ్చారు. తాజాగా ఓ ఇంటర్వ్యూలో మాట్లాడుతూ, తన జీవితంలో జరిగిన కొన్ని ఆసక్తికర విషయాలను వెల్లడించారు.
Hero Suman’s Shocking Revelation సుమన్ మాట్లాడుతూ, “మనిషి జన్మను బట్టి జాతకాన్ని రాస్తారు, కానీ ఆ జాతకాన్ని పూర్తిగా మార్చేసేది భగవంతుడే” అని అన్నారు. తాను కర్మ సిద్ధాంతాన్ని గట్టిగా నమ్ముతానని, కర్మ ఎవరినీ వదిలిపెట్టదని చెప్పారు. ఈ సందర్భంగా తనపై జరిగిన చేతబడి (బ్లాక్ మ్యాజిక్) గురించి ప్రస్తావిస్తూ, “నాపై చేతబడి ప్రయోగాలు జరిగాయి. ఎవరు చేయించారో తెలియదు. ఇది సినిమా ఇండస్ట్రీలో మాత్రమే కాదు, వ్యాపార రంగంలో కూడా సాధారణం. కేరళలో ఇది చాలా ప్రసిద్ధి. అక్కడ చోటనికరే అనే ప్రాంతంలో ఇలాంటి ప్రయోగాలను తీసేస్తారు. వివిధ రకాల చేతబడులు ఉంటాయి. అప్పట్లో నాకు వరుసగా సమస్యలు వచ్చినప్పుడు నేను కూడా అక్కడికి వెళ్లాను. చేతబడి జరిగిందని, విరుగుడు కోసం పూజలు చేయాలని సూచించారు. మేము చేయించాం” అని వివరించారు.
Hero Suman’s Shocking Revelation చేతబడి ఉందా లేదా అనేది తాను చెప్పలేనని, కానీ సమయాన్ని (టైమ్) తాను బాగా నమ్ముతానని సుమన్ తెలిపారు. “ఈ రోజు ఇలా, ఈ నెల ఇలా, ఈ సంవత్సరం ఇలా జరుగుతుందని చెప్పినట్లు అది జరిగిపోతుంది. ఇది నా అనుభవంతో చెబుతున్నా. మనం ఎవరినైనా నిందించవచ్చు, కానీ అంతా సమయం చేతిలోనే ఉంది. సమయం కొందరిని ఉపయోగించి అలా చేయిస్తుంది. వాళ్లకు అలా చేయాలనే ఉద్దేశం ఉండకపోవచ్చు, కానీ కర్మ అలా తిప్పేస్తుంది. చేసిన తప్పుకు అనుభవించాల్సిందే. అది ఒక్కరికే కాదు, కుటుంబం మొత్తం అనుభవిస్తుంది” అని అన్నారు.
Hero Suman’s Shocking Revelation రోగాలు, దెబ్బలు, మరణాలు అన్నీ సమయాన్ని బట్టే జరుగుతాయని సుమన్ వివరించారు. “నేను ఆస్ట్రాలజీని కూడా అధ్యయనం చేశాను. మన శరీరం ప్రతి భాగం ప్రకృతితో ముడిపడి ఉంటుంది. కొందరికి సమస్యలు వచ్చినా డాక్టర్లు ఏమీ లేదని చెబుతారు, కానీ వ్యక్తికి మాత్రం కష్టం తెలుసు. తాగుబోతులు ఆరోగ్యంగా ఉంటారు, మంచి అలవాట్లు ఉన్నవాళ్లు సడెన్గా చనిపోతారు. యాక్సిడెంట్లలో కొందరు బతుకుతారు, మరికొందరు పోతారు. అధికారం కూడా సమయం బట్టే వస్తుంది” అని చెప్పారు.
Hero Suman’s Shocking Revelation చివరగా, మంచి ముహూర్తాల్లో పెళ్లి చేసుకున్నా విడాకులు జరుగుతున్నాయని, అదంతా పూర్వజన్మ కర్మ ఫలితమేనని సుమన్ అభిప్రాయపడ్డారు. ఈ ఇంటర్వ్యూ సుమన్ అభిమానుల్లో ఆసక్తిని రేపుతోంది.
Hero Suman’s Shocking Revelation
Diwali OTT Releases ఈ వీకెండ్లో 40కి పైగా సినిమాలు/సిరీస్లు
