Frequent Urination at Night Remedies ఊహించుకోండి… రాత్రి గాఢ నిద్రలో ఉన్నారు. అకస్మాత్తుగా మూత్రం వచ్చి లేచారు. బాత్రూమ్ వెళ్లి వచ్చి మళ్లీ పడుకున్నారు. అరగంట తిరిగాక మళ్లీ అదే పని.
ఇలా రెండు మూడు సార్లు జరిగితే మరుసటి రోజు మొత్తం అలసటగా ఉంటుంది కదా! ఈ frequent urination at night remedies కోసం చాలామంది గుగిల్లో వెతుకుతూ ఉంటారు. పాపులర్ హెల్త్ ఎక్స్పర్ట్ డాక్టర్ ఎరిక్ బెర్గ్ ఈ సమస్యకు కొన్ని ప్రాక్టికల్ సలహాలు ఇచ్చారు. వీటిని పాటిస్తే చాలామందికి మంచి ఫలితం కనిపిస్తోందట.
ఈ సమస్యను నోక్టూరియా అంటారు – ఎందుకు వస్తుంది?
చాలామంది దీన్ని వయసు పెరిగిన కారణంగా లేదా ప్రోస్టేట్ సమస్యగా భావిస్తారు. కానీ డాక్టర్ బెర్గ్ చెప్పినట్లు, మన రోజువారీ అలవాట్లు, ఆహారం కూడా పెద్ద పాత్ర పోషిస్తాయి. ముఖ్యంగా రాత్రి సమయంలో శరీరం మూత్రాన్ని తక్కువగా ఉత్పత్తి చేయాలి. కానీ కొన్ని కారణాల వల్ల అది జరగదు. ఫలితంగా పదే పదే లేచి బాత్రూమ్కి వెళ్లాల్సి వస్తుంది.
రాత్రి ఎన్నిసార్లు లేవడం సాధారణం?
డాక్టర్ బెర్గ్ అభిప్రాయం ప్రకారం – రాత్రి ఒక్కసారి మాత్రమే లేవడం నార్మల్. రెండు సార్లు లేదా అంతకంటే ఎక్కువ అయితే అది సమస్యే. ఎందుకంటే మంచి నిద్ర రాకపోవడంతో అలసట, ఏకాగ్రత లోపం, ఒత్తిడి పెరుగుతాయి. దీర్ఘకాలంలో చక్కెర వ్యాధి, రక్తపోటు వంటి ప్రమాదాలు కూడా పెరుగుతాయి.
ప్రధాన కారణాలు ఏమిటి?
- హార్మోన్ అసమతుల్యత: రాత్రి సమయంలో పనిచేయాల్సిన యాంటీ-డైయూరెటిక్ హార్మోన్ (ADH) సరిగా ఫంక్షన్ కాకపోవడం. ఇది మూత్రాన్ని అదుపులో ఉంచుతుంది.
- ఎలక్ట్రోలైట్ బ్యాలెన్స్ సమస్య: శరీరంలో ఉప్పు ఎక్కువ, పొటాషియం తక్కువ ఉంటే ఈ హార్మోన్ పనితీరు దెబ్బతింటుంది.
- ఇన్సులిన్ సమస్య: రోజంతా చక్కెరలు, కార్బ్స్ ఎక్కువ తీసుకుంటే ఇన్సులిన్ రెసిస్టెన్స్ వచ్చి రాత్రి మూత్రం ఎక్కువ అవుతుంది.
- సాయంత్రం అలవాట్లు: నీరు లేదా కెఫీన్, ఆల్కహాల్ ఎక్కువ తాగడం, రాత్రి భోజనంలో భారీ ప్రోటీన్ లేదా తీపి పదార్థాలు తినడం.
- పాదాల వాపు: పగటి పూట కాళ్లలో నీరు నిలిచి ఉంటే, రాత్రి పడుకున్నప్పుడు అది రక్తంలోకి వచ్చి మూత్రంగా బయటకు వెళ్తుంది.
Frequent Urination at Night Remedies ఈ సమస్య తగ్గించే సులభమైన చిట్కాలు
డాక్టర్ బెర్గ్ సూచించిన వీటిని రోజూ పాటిస్తే చాలామందికి రెండు మూడు రోజుల్లోనే మార్పు కనిపిస్తుందట.
- నిద్రకు మూడు గంటల ముందు నీళ్లు పూర్తిగా ఆపేయండి.
- సాయంత్రం నుంచి కాఫీ, టీ, ఆల్కహాల్కి దూరంగా ఉండండి.
- రాత్రి స్నాక్స్ అస్సలు తినకండి – ముఖ్యంగా తీపి లేదా కార్బ్స్ ఉన్నవి.
- డిన్నర్ను తేలికైనదిగా, సులభంగా జీర్ణమయ్యేదిగా చేసుకోండి. భారీ ప్రోటీన్ మాంసాహారం మానేయండి.
- రోజంతా పొటాషియం ఎక్కువ ఉన్న ఆహారాలు తీసుకోండి – అరటిపండ్లు, అవకాడో, ఆకుకూరలు, స్పినాచ్ వంటివి.
- మొత్తంగా చక్కెరలు, ప్రాసెస్డ్ కార్బ్స్ తగ్గిస్తే ఇన్సులిన్ సమస్య కూడా అదుపులోకి వస్తుంది.
ఈ చిట్కాలు పాటించిన వాళ్లు సోషల్ మీడియాలో “రెండు రోజుల్లోనే రాత్రి ఒక్కసారి కూడా లేవనక్కర్లేదు” అంటూ షేర్ చేస్తున్నారు. మీరూ ట్రై చేసి చూడండి, కానీ సమస్య ఎక్కువగా ఉంటే డాక్టర్ని కన్సల్ట్ చేయడం మరచిపోకండి.
Follow On: facebook| twitter| whatsapp| instagram
Gold January 7: బంగారం ధరలు రికార్డు స్థాయికి చేరాయి!
