Renault Duster vs Tata Sierra భారత్లో మధ్య తరగతి కుటుంబాలకు ఎస్యూవీ అంటే ఒకప్పుడు రెనాల్ట్ డస్టర్, టాటా సియెర్రా పేర్లు మారుమోగాయి. ఇప్పుడు రెండూ మళ్లీ మార్కెట్లోకి దూసుకొస్తున్నాయి – ఆధునిక లుక్తో, కొత్త టెక్నాలజీతో. ఈ రెండింటిలో ఏది మీ ఫ్యామిలీకి బెస్ట్ ఫిట్? ఇంజిన్ నుంచి సేఫ్టీ వరకు పూర్తి పోలిక చూద్దాం.
ఈ రెండు కార్లు ఎందుకు మళ్లీ హాట్ టాపిక్ అయ్యాయి?
టాటా సియెర్రా ఒకప్పుడు యువకులకు స్టైల్ సింబల్. ఇప్పుడు దాన్ని టాటా పూర్తిగా మార్చి, ప్రీమియం ఫీల్ ఇస్తూ తిరిగి తెస్తోంది. మరోవైపు రెనాల్ట్ డస్టర్ – దీని రఫ్ అండ్ టఫ్ ఇమేజ్ ఇప్పటికీ మనసుల్లో ఉంది. కొత్త జనరేషన్తో ఇండియాకు ప్రత్యేకంగా రూపొందించి విడుదల చేస్తోంది. రెండూ మధ్యస్థ SUV సెగ్మెంట్లో ఒకరికొకరు గట్టి పోటీ ఇస్తాయి.
ఇంజిన్ ఆప్షన్లు: ఎవరికి ఎక్కువ ఎంపికలు?
టాటా సియెర్రా కొనేవాళ్లకు ఎంపికల జాతరే. సాధారణ 1.5 లీటర్ పెట్రోల్, శక్తివంతమైన 1.5 లీటర్ టర్బో పెట్రోల్ (160 PS పవర్), డీజిల్ లవర్స్కు 1.5 లీటర్ క్రయోజెట్ డీజిల్ ఉన్నాయి. మాన్యువల్, ఆటోమేటిక్, DCT – మూడు రకాల గేర్బాక్స్లు కూడా అందుబాటులో ఉంటాయి.
రెనాల్ట్ డస్టర్ మాత్రం హైబ్రిడ్పై ఫోకస్ పెట్టింది. దాని స్ట్రాంగ్ హైబ్రిడ్ E-టెక్ సిస్టమ్ నగరంలో 80 శాతం వరకు ఎలక్ట్రిక్ మోడ్లో నడుస్తుందట. అంటే మైలేజీ బాగుంటుంది. టర్బో పెట్రోల్ వేరియంట్ 163 PS పవర్ ఇస్తుంది. సాధారణ పెట్రోల్ ఆప్షన్ కూడా ఉంది.
ఆఫ్-రోడ్ సామర్థ్యం, స్పేస్ – ఎక్కడ ఎవరు ముందు?
డస్టర్ ఎప్పటిలాగే రఫ్ రోడ్లకు రాజు. 212 mm గ్రౌండ్ క్లియరెన్స్, ఎక్కువ ఆంగిల్స్, 700 లీటర్ల భారీ బూట్ స్పేస్ – ఫ్యామిలీ ట్రిప్కి ఐడియల్. రూఫ్పై 50 కేజీల వరకు సమ్మెట్లు కట్టుకుని వెళ్లొచ్చు.
టాటా సియెర్రా కొత్త ARGOS ప్లాట్ఫాం (EV రెడీ)పై తయారవుతోంది. 205 mm గ్రౌండ్ క్లియరెన్స్, నీటిలో 450 mm వరకు వెళ్లగలిగే సామర్థ్యం ఉంది. ఆఫ్-రోడ్ ప్రేమికులకు ఇది కూడా నచ్చుతుంది.
ఫీచర్లు, టెక్నాలజీ – ఎవరు యంగ్ జనరేషన్ను ఆకర్షిస్తారు?
సియెర్రా ఇక్కడ ముందుంటుంది. 12.29 ఇంచ్ టచ్స్క్రీన్, ఫుల్ డిజిటల్ క్లస్టర్, 5G కనెక్టివిటీ, ఫాస్ట్ ఛార్జింగ్ పోర్టులు – యూత్కు నచ్చే ఫీచర్లు పుష్కలంగా ఉన్నాయి.
డస్టర్ కూడా వెనుకబడలేదు. 10.1 ఇంచ్ ఇన్ఫోటైన్మెంట్, ఆటోమేటిక్ క్లైమేట్ కంట్రోల్, పనోరమిక్ సన్రూఫ్ వంటివి ఉన్నాయి. హైబ్రిడ్ వేరియంట్ మైలేజీ కోసం ఎక్కువ మందిని ఆకర్షిస్తుంది.
సేఫ్టీ – రెండింటిలోనూ రాజీ లేదు Renault Duster vs Tata Sierra
టాటా సియెర్రా 6 ఎయిర్బ్యాగ్స్ స్టాండర్డ్, లెవల్-2 ADAS (22 ఫంక్షన్స్)తో వస్తోంది. రెనాల్ట్ డస్టర్ కూడా 6 ఎయిర్బ్యాగ్స్, ADAS (17 ఫంక్షన్స్) ఇస్తోంది. రెండూ ఫ్యామిలీ కార్లుగా సేఫ్టీని ప్రాధాన్యతగా తీసుకున్నాయి.
ముగింపు: మీ అవసరాలకు అనుగుణంగా ఎంచుకోండి
మీకు ఎక్కువ ఇంజిన్ ఎంపికలు, ఆధునిక టెక్ కావాలంటే టాటా సియెర్రా బెటర్. మైలేజీ, ఆఫ్-రోడ్ సామర్థ్యం, భారీ బూట్ స్పేస్ ముఖ్యమైతే రెనాల్ట్ డస్టర్ ముందుంటుంది. ధరలు ఇంకా అధికారికంగా రాలేదు కానీ, రెండూ త్వరలోనే మార్కెట్లోకి రాబోతున్నాయి. మీ ఛాయిస్ ఏది?
Follow On: facebook| twitter| whatsapp| instagram
2026 Tata Punch Facelift Best Value టాటా పంచ్ ఫేస్లిఫ్ట్లో బెస్ట్ వాల్యూ ఫర్
