Nail Biting During Pregnancy: గర్భిణీలు గోర్లు కొరకడం ప్రమాదాలు – చిన్న అలవాటు కాదు, పెద్ద రిస్క్!
Table of Contents
Nail Biting During Pregnancy: హాయ్ అమ్మలారా! గర్భం టైంలో ఒత్తిడి పీక్స్కి వెళ్తుంది కదా? ఏదో ఆలోచిస్తూ తెలియకుండానే గోర్లు కొరుకుంటూ ఉంటాం. చాలా మంది గర్భిణీలకు ఈ అలవాటు ఉంటుంది.
కానీ ఇది సిమ్పుల్గా కనిపించినా, తల్లీ బిడ్డలిద్దరికీ సీరియస్ ప్రమాదాలు తెచ్చిపెట్టవచ్చంటున్నారు డాక్టర్లు. ప్రముఖ గైనకాలజిస్టులు హెచ్చరిస్తున్న ఈ విషయం గురించి ఇవాళ మాట్లాడుకుందాం.
ఎందుకు గర్భిణీలు గోర్లు కొరుకుంటారు?
గర్భం వచ్చాక హార్మోన్లు అల్లాడిపోతాయి, ఒత్తిడి పెరుగుతుంది, ఆందోళనలు తోడవుతాయి. ఈ టెన్షన్లో తెలియకుండానే చేతులు నోటికి వెళ్తాయి. కొందరు అయితే బాల్యం నుంచే ఈ అలవాటు ఉండి, గర్భంలో మరింత పెరిగిపోతుంది. చిన్న విషయమని అనిపించినా, ఇక్కడే సమస్య మొదలవుతుంది.
తల్లికి ఏం సమస్యలు వస్తాయి?
గోర్ల కింద ఎంత మురికి, బ్యాక్టీరియా పేరుకుపోతుందో తెలుసా? చేతులు రోజంతా ఎన్ని ప్రదేశాలు తాకుతాయి! ఆ బ్యాక్టీరియా నేరుగా నోటి ద్వారా కడుపులోకి వెళ్తుంది. ఫలితం – జీర్ణ సమస్యలు, వాంతులు, వికారం, తినే ఆసక్తి తగ్గిపోవడం. గర్భంలో రోగ నిరోధక శక్తి సహజంగానే తక్కువగా ఉంటుంది కాబట్టి ఇన్ఫెక్షన్లు త్వరగా పాకిపోతాయి.
అంతే కాదు, పళ్లు దెబ్బతినడం, చిగుళ్ల నుంచి రక్తస్రావం మరీ ఎక్కువ కావడం, గోరు చుట్టూ వాపు, పుండ్లు (పారోనిచియా) వచ్చే చాన్స్ ఉంది. ఇన్ఫెక్షన్ ఒక చోట నుంచి మరో చోటికి వ్యాపించే ప్రమాదం కూడా ఉంటుంది. నిద్ర సరిగ్గా పట్టకపోవడం, రక్తపోటు పెరగడం, మానసిక ఒత్తిడి మరీ ఎక్కువ కావడం – ఇవన్నీ జత అవుతాయి.
బిడ్డకు ఏం ప్రమాదం?
తల్లికి వచ్చిన ఇన్ఫెక్షన్ బిడ్డకు సులువుగా అంటుకుంటుంది. తల్లి సరిగ్గా తినలేకపోతే పోషకాలు బిడ్డకు అందవు. ఫలితంగా బేబీకి పోషక లోపం, ఇన్ఫెక్షన్లు వచ్చే అవకాశం ఎక్కువ. చిన్న అలవాటు వల్ల ఇంత పెద్ద రిస్క్ ఉందంటే ఆశ్చర్యమే కదా?
డాక్టర్లు ఏం చెబుతున్నారు?
ప్రముఖ గైనకాలజిస్టులు చెప్తున్నారు – గోర్లు కొరకడం వల్ల సాల్మొనెల్లా, ఈ-కోలై వంటి హానికర బ్యాక్టీరియా శరీరంలోకి ప్రవేశిస్తాయి. గర్భంలో మందులు వాడటం కూడా జాగ్రత్తగా ఉండాలి కాబట్టి ఇలాంటి ఇన్ఫెక్షన్లు మరీ ఇబ్బంది పెడతాయి. ఈ అలవాటు తగ్గించుకోవడమే బెస్ట్ అని సలహా ఇస్తున్నారు.
ఈ అలవాటు మానేయడానికి సింపుల్ టిప్స్
చేతులు ఎప్పుడూ శుభ్రంగా ఉంచుకోండి. గోర్లు చిన్నగా కత్తిరించేసుకోండి – కొరకడానికి ఏమీ మిగలదు! ఒత్తిడి తగ్గించుకోవడానికి యోగా, ధ్యానం ట్రై చేయండి. ఇంకా అలవాటు తగ్గకపోతే డాక్టర్ని కలవండి, వాళ్లు మరిన్ని సలహాలు ఇస్తారు. చిన్న మార్పులతోనే పెద్ద రిస్క్ల నుంచి తప్పించుకోవచ్చు అమ్మలారా!
గర్భం అంటే జాగ్రత్తల సమయం. ఈ చిన్న అలవాట్లు కూడా పెద్ద సమస్యలు తెచ్చిపెట్టవచ్చు కాబట్టి ఇప్పటి నుంచే జాగ్రత్త పడదాం!
Top Sunrise Spots ఈ శీతాకాలంలో దక్షిణ భారతంలో చూడదగిన అద్భుత సూర్యోదయ స్థలాలు…