Calm Your Mind for Better Sleep రోజంతా పనుల్లో మునిగి ఉంటాం. సాయంత్రం అయ్యాక ఇంటికొచ్చి పడుకుంటే… అంతే, మనసులో ఒక్కసారిగా ఎన్నో ఆలోచనలు మొదలవుతాయి.
రేపటి పనులు, ఇంటి బాధ్యతలు, ఆఫీసు టెన్షన్… ఇలా ఒక్కటేమిటి రెండా? చివరికి నిద్ర అంటే దూరమవుతుంది. మరుసటి రోజు అలసటతో మొదలవుతుంది. ఇది చాలామందికి సాధారణ సమస్యే. కానీ చిన్న మార్పులతో దీన్ని సులభంగా మార్చేయొచ్చు. మానసిక ఆరోగ్య నిపుణులు సూచించే కొన్ని సులభమైన అలవాట్లు పాటిస్తే మీ నిద్ర నాణ్యత బాగా మెరుగుపడుతుంది.
మంచి నిద్రకు సహాయపడే 5 గోల్డెన్ అలవాట్లు
1. వ్యాయామం చేయండి – కానీ టైమింగ్ చూసుకోండి
రోజూ కొంచెం శారీరక శ్రమ ఉంటే శరీరం ఆరోగ్యంగా ఉంటుంది, నిద్ర కూడా బాగా పడుతుంది. ఎందుకంటే వ్యాయామం ఒత్తిడి హార్మోన్లను తగ్గించి, నిద్రను ప్రోత్సహించే హార్మోన్లను పెంచుతుంది. కానీ రాత్రి పడుకునే ముందు హెవీ వర్కౌట్ చేస్తే శరీరం యాక్టివ్ అయిపోతుంది. అందుకే ఉదయం లేదా సాయంత్రం నాలుగైదు గంటల లోపు వ్యాయామం పూర్తి చేసేయండి.Calm Your Mind for Better Sleep
2. మంచం అంటే నిద్రకు మాత్రమే!
చాలామంది మంచం మీదే ఫోన్ స్క్రోల్ చేస్తూ, సీరియల్స్ చూస్తూ, లేట్నైట్ పనులు చేస్తూ ఉంటారు. దీనివల్ల మెదడు మంచాన్ని “పని చేసే ప్లేస్”గా గుర్తుపెట్టుకుంటుంది. పడుకున్నాక నిద్ర రావాలంటే మంచాన్ని కేవలం నిద్రకు, విశ్రాంతికి మాత్రమే ఉపయోగించండి. 20 నిమిషాలు అయినా నిద్ర రాకపోతే లేచి వేరే గదిలో కాసేపు పుస్తకం చదవండి లేదా తేలికగా స్ట్రెచ్ చేయండి.
3. పడుకునే ముందు చిన్న ‘విండ్-డౌన్’ రొటీన్
మన మెదడుకు సడన్గా ఆఫ్ స్విచ్ లేదు. అందుకే నిద్రకు కనీసం అరగంట ముందు రిలాక్సింగ్ మోడ్లోకి వెళ్లాలి. గది లైట్స్ తగ్గించండి, మొబైల్-ల్యాప్టాప్ పక్కన పెట్టండి. శ్వాస వ్యాయామాలు చేయండి, ప్రశాంతమైన పాటలు వినండి లేదా డైరీలో రాయండి. ఇది శరీరానికి “ఇప్పుడు విశ్రాంతి సమయం” అని సిగ్నల్ ఇస్తుంది.
4. రాత్రి భోజనం జాగ్రత్తగా ఎంచుకోండి
నిద్రకు ముందు కాఫీ, టీ, చాక్లెట్, హెవీ ఫుడ్ తీసుకుంటే నిద్ర దూరం అవుతుంది. మద్యం తాగినా మొదట్లో నిద్ర వచ్చినట్లు అనిపించినా, గాఢ నిద్రకు ఆటంకం కలుగుతుంది. రాత్రి భోజనం తేలికగా ఉంచండి. ఆకలి బాగా వేస్తే అరటిపండు లేదా కొన్ని బాదం తినండి – ఇవి నిద్రకు సహాయపడతాయి.
5. మనసులో తిరిగే ఆలోచనలకు బ్రేక్ ఇవ్వండి
నిద్రకు అతి పెద్ద శత్రువు – ఆందోళనలు. రేపటి పనులు, రోజూ జరిగిన సంఘటనలు మనసులో తిరుగుతూ నిద్రను దెబ్బతీస్తాయి. పరిష్కారం సింపుల్: పడుకునే ముందు ఒక కాగితంపై ఆ ఆలోచనలన్నీ రాసేయండి. టూ-డూ లిస్ట్ రాయండి. ఇలా చేస్తే మెదడు ఆ బర్డెన్ నుంచి ఫ్రీ అయి ప్రశాంతంగా విశ్రాంతి తీసుకుంటుంది.
Calm Your Mind for Better Sleep: ఈ అలవాట్లు పాటిస్తే మార్పు కనిపిస్తుంది
ఈ చిన్న చిన్న మార్పులు మొదట కష్టంగా అనిపించవచ్చు, కానీ కొన్ని రోజులు పాటిస్తే అలవాటు అయిపోతాయి. మంచి నిద్ర వల్ల మీ రోజువారీ జీవితం ఎంత ఎనర్జిటిక్గా మారుతుందో మీరే చూస్తారు. ట్రై చేసి చూడండి!
Follow On: facebook| twitter| whatsapp| instagram
Frequent Urination at Night Remedies రాత్రిపూట తరచూ మూత్రం వచ్చి నిద్ర పాడవుతోందా?