Cinema / Entertainment
Telugu OTT Movies ఇటీవల తమిళంలో విడుదలై బాగా మాట్లాడించుకున్న సినిమా సిరై. థియేటర్లలో ప్రేక్షకులను కన్నీళ్లు పెట్టించిన ఈ చిత్రం ఇప్పుడు జీ5 ఓటీటీలో తెలుగు వెర్షన్తో అందుబాటులోకి వచ్చేసింది.
విక్రమ్ ప్రభు హీరోగా నటించిన ఈ మూవీలో ప్రేమ, న్యాయం, మానవత్వం అనే అంశాలు చాలా బలంగా కనిపిస్తాయి. మరి ఈ సిరై ఓటీటీ రివ్యూలో దీని గురించి మాట్లాడుకుందాం.
కథ ఏమిటి? (స్పాయిలర్స్ లేకుండా)
ఒక నిజాయితీ పరుడైన పోలీస్ కానిస్టేబుల్ (విక్రమ్ ప్రభు)కి ఓ హత్య కేసు నిందితుడిని కోర్టుకు తీసుకెళ్లే బాధ్యత వస్తుంది. ఆ నిందితుడు (అక్షయ్ కుమార్) నిజంగానే నేరం చేశాడా? లేదా వ్యవస్థలో ఎక్కడో లోపం ఉందా? ఆ నిందితుడి వెనుక ఉన్న ఓ హృదయాన్ని తడిమే ప్రేమకథ ఏంటి? ఈ ప్రశ్నలకు సమాధానం చూసేటప్పుడు మనల్ని మనం మరచిపోతాం. కథ మొత్తం రెండు మూడు రోజుల్లోనే జరిగిపోతుంది కానీ, ప్రతి నిమిషం టెన్షన్తో పాటు భావోద్వేగాలు నిండిపోతాయి.
నటులు ఎవరెవరూ అదిరిపోయారు
విక్రమ్ ప్రభు తన రోల్లో పూర్తిగా ఒదిగిపోయాడు. నిజాయితీ ఉన్న పోలీసు అధికారిగా అతని ఎక్స్ప్రెషన్స్, బాడీ లాంగ్వేజ్ చాలా నేచురల్గా ఉంటాయి. నిందితుడి పాత్రలో అక్షయ్ కుమార్ గుర్తుండిపోతాడు – ముఖ్యంగా తల్లి, ప్రేయసి పట్ల చూపే భావుకత చాలా బలంగా కనిపిస్తుంది. హీరోయిన్ అనిష్మ కూడా తన పాత్రకు పూర్తి న్యాయం చేసింది. ఒక సీన్లో ఆమె బస్సు కింద పడుకునే సన్నివేశం చూస్తే గుండె జల్లుమంటుంది. మిగతా సపోర్టింగ్ క్యాస్ట్ కూడా చాలా బాగా సపోర్ట్ చేశారు.
దర్శకుడు ఏం చేశాడు?
డైరెక్టర్ సురేష్ రాజకుమారి ఈ సింపుల్ స్టోరీని ఎంతో ఎఫెక్టివ్గా చెప్పాడు. ఎక్కడా డ్రాగ్ అనిపించదు. కోర్టు సీన్స్, లవ్ ట్రాక్, థ్రిల్లర్ ఎలిమెంట్స్ – అన్నీ బ్యాలెన్స్లో ఉంటాయి. సంగీతం కూడా సీన్స్కి బాగా కలిసొచ్చింది. జస్టిన్ ప్రభాకరణ్ బ్యాక్గ్రౌండ్ స్కోర్ ఎమోషన్స్ని మరింత లోతుగా తీసుకెళ్తుంది.
ఏం బాగుంది.. ఏం బాగోలేదు?
బలమైన పాయింట్ ఏంటంటే.. ఈ రోజుల్లో అరుదుగా వచ్చే స్వచ్ఛమైన ప్రేమకథ, న్యాయ వ్యవస్థలోని లోపాలు, మతాలు దాటిన మానవత్వం. థియేటర్లలో చూసినవాళ్లు కన్నీళ్లు పెట్టుకున్న వీడియోలు వైరల్ అయ్యాయి. ఓటీటీలో కూడా అదే ఫీలింగ్ కలుగుతుంది. మైనస్ అంటే.. కొన్ని చోట్ల కొత్తదనం తక్కువగా అనిపించవచ్చు కానీ, ఎమోషనల్ కనెక్ట్ వల్ల అది పెద్దగా కనిపించదు.
మా వర్డిక్ట్ Telugu OTT Movies
ఒక మంచి ఎమోషనల్ క్రైమ్ థ్రిల్లర్ చూడాలనిపిస్తే సిరై బెస్ట్ ఛాయిస్. జీ5లో తెలుగు డబ్బింగ్తో ఉంది కాబట్టి ఇప్పుడే చూసేయండి. మా రేటింగ్: 3.75/5
Skoda Kushaq Classic Plus Features స్కోడా కుషాక్ క్లాసిక్ ప్లస్ బేస్ వేరియంట్లో
